चिंचपोकळीची आईभवानी

नवरात्रौत्सव:
आईभवानीचा पाटपूजन सोहळा शनिवार दि. ७ ऑक्टोबर २०२३ रोजी श्री चिंतामणी सभामंडपात पार पडला. तसेच आईभवानीचा आगमन सोहळा गुरुवार दि. १२ ऑक्टोबर २०२३ रोजी ढोलताश्याच्या गजरात पार पडला.

भवानीमातेची घटस्थापना मंडळाचे उपाध्यक्ष श्री विकास सुमन कृष्णा सावंत यांच्या हस्ते व श्री दत्तात्रय शास्त्री यांच्या पौराहित्याखाली करण्यात आली. मूर्तिकार श्री प्रेम कदम यांनी आई भवानीची सुबक मूर्ती घडविली. उत्सव कालावधीत २०-२० डबलबारीचा(पुरुष /महिला) जंगीसामना, दशावतार, सुस्वर भजन, मंगळागौर, साई भजन, रास गरबा, आई भवानीचा गोंधळ या सांस्कृतिक कार्यक्रमांचे आयोजन करण्यात आले.